amarudavu neevu naa yesayya aadhiyu anthamu neevenayyaa అమరుడవు నీవు నా యేసయ్య ఆదియు అంతము నీవేనయ్యా

అమరుడవు నీవు నా యేసయ్య ఆదియు అంతము నీవేనయ్యా
ఆదిలోనున్న నీ వాక్యమే ఆదరించెను శ్రమ కొలిమిలో
సొమ్మసిల్లక – సాగిపోదును సీయోను మార్గములో
స్తోత్ర గీతము – ఆలపింతును నీ దివ్య సన్నిధిలో
శక్తికి మించిన సమరములో నేర్పితివి నాకు నీ చిత్తమే
శిక్షకు కావే శోధనలన్ని ఉన్నత కృపతో నను నింపుటకే
ప్రతి విజయము నీకంకితం నా బ్రతుకే నీ మహిమార్ధం
లోకమంతయు – దూరమైనను – నను చేరదీసెదవు
దేహమంతయు – ధూళియైనను – జీవింపజేసెదవు
వేకువ కురిసిన చిరుజల్లులో నీ కృప నాలో ప్రవహించగా
పొందితినెన్నో ఉపకారములు నవనూతనమే ప్రతిదినము
తీర్చగలనా నీ ఋణమును మరువగలనా నీ ప్రేమను
కన్న తండ్రిగ – నన్ను కాచి – కన్నీరు తుడిచితివి
కమ్మనైన – ప్రేమచూపి – కనువిందు చేసితివి
జల్దరు వృక్షమును పోలిన గుణశీలుడవు నీవేనయ్యా
మరణము గెలచిన పరిశుద్దుడవు పునరుత్ధానుడవు నీవయ్యా
జయశీలుడవు నీవేనని ఆరాధింతును ప్రతి నిత్యము
గుండె గుడిలో నిండినావు నీకే ఆరాధన
ఆత్మ దీపము – వెలిగించినావు – నీకే ఆరాధన