dhinam oru varam vaendum தினம் ஒரு வரம் வேண்டும்

தினம் ஒரு வரம் வேண்டும்

தீர்க்கமாய் தினம் வேண்டும்

தீங்கில்லா உளம் வேண்டும்

தீர்ப்பிடாத மனம் வேண்டும் இயேசுவே 

கேட்கிறேன் தேடுகிறேன் தட்டுகிறேன் தெய்வமே 

 

கடுகளவு விசுவாசம் தேவை என்று ஓடி வந்தேன்

கரையாத கல்மனமும் கரைந்திட காத்திருந்தேன் 

இனி இறைவார்த்தை விதையாகி இறைவாழ்வு பயிராகி 

குறைவில்லா நிறைவாழ்வு நிறைவாக தினம் பெறவே 

கேட்கிறேன் தேடுகிறேன் தட்டுகிறேன் தெய்வமே 

 

பறவைகள் பகிர்வது போல் மரங்கள் கனி தருவது போல் 

மேகம் மழை பொழிவது போல் நிலவு ஒளி தருவது போல் 

இனி இரக்கத்தால் இறைமகனாய் நீதியால் பண்பாளராய்

உண்மையாய் வாழ்ந்திடவே உணர்ந்து உயிர் வாழ்ந்திடவே 

கேட்கிறேன் தேடுகிறேன் தட்டுகிறேன் தெய்வமே