ஆனந்த மழையில் நானிலம் மகிழமன்னவன் எழுகின்றார்

ஆனந்த மழையில் நானிலம் மகிழ

மன்னவன் எழுகின்றார்

ஆயிரம் நிலவொளியோ -என்னை

ஆண்டிடும் இறையரசோ

அவனியை மாற்றிடும் அருட்கடலோ

மன்னவனே என்னிதயம் பொன்னடி பதிக்கின்றாய்

விண்ணகமே என் இதயம் அன்புடன் அமைக்கின்றாய்

இனி என் வாழ்விலே ஒரு பொன்னாளிது

பண்பாடவோ என்றும் கொண்டாடவோ

மலர்கின்ற புது வாழ்விலே - இனி

சுகமான புது ராகமே

என்றென்றும் உண்டாகும் பேரின்பமே

பேரின்பமே பேரின்பமே

சேற்றினிலே தாமரையாய் தேர்ந்தென்னை எடுத்தாயோ

காற்றினிலே நறுமணமாய் கலந்தென்னில் நிறைந்தாயோ

எனில் ஒன்றாகினாய் நான் நன்றாகினேன்

பணிவாழ்வுக்காய் என்னைப் பரிசாக்கினேன்

மலர்கின்ற புது வாழ்விலே - இனி

சுகமான புது ராகமே

என்றென்றும் உண்டாகும் பேரின்பமே

பேரின்பமே பேரின்பமே