இறைவா நீ ஒரு சங்கீதம் அதில்‌இணைந்தே பாடிடும் என் கீதம்|| Iraiva Nee Our Sangeetham

இறைவா நீ ஒரு சங்கீதம் - அதில்

இணைந்தே பாடிடும் என் கீதம்

உன் கரம் தவழும் திருயாழிசை - அதில்

என் மனம் மீட்டிடும் தமிழ் ஏழிசை

புல்லாங்குழலென தனித்திருந்தேன் - அதில்

இசையாய் என் மனம் புகுந்திடுவாய் - 2

பாவியென் நெஞ்சமும் துயில் கலையும் - புதுப்

பாடலால் என்னகம் இணைந்திடுமே

எரிகின்ற சுடராக விண்மீன்கள் உன் வானில்

எனை இன்று திரியாக ஏற்றாயோ இறைவா

காற்றாகி ஊற்றாகி கார்மேக மழையாகி

வாழ்வாகி வழியாகி வாராயோ இறைவா - 2

கல்லிலும் முள்ளிலும் கால் நடந்தாலும் - நீ

தோளினில் சுமந்தே வழிநடந்தாய் - 2

நாதா உன் வார்த்தைகள் வானமுதம் - 2 என்னை

நாளெல்லாம் வாழ்விக்கும் தேனமுதம்

தோள் மீது தாலாட்டும் தாயாகும் தெய்வம்

தாள் போற்றி நின்றாலே நூறாகும் செல்வம்

அருளாளன் நீயின்றி அழகேது என்னில்

அதை நானும் அடையாமல் விடிவேது மண்ணில் - 2